تعاتبني عليمن كول شنهو الصار حاجيني على كيفك
وانه احجيلك.......اذا حكك عليه شنهو التريده يصير اشعلك عيوني قربان وانطيلك
واذا محكوك انت وصرت الي مديون اخلي نجوم ظهرك تنور بليلك
احجي كول شلون ابدي وياك بالفات والمضى ....
.لو حاضر ابديلك حزن لو غربه لو شوك لو طكات وكتي لما تدنيلك.......؟
ااكتهن عليك اليوم وكت حساب تحظرللحساب وفرش شليلك
انه المثلي ابد ما يطلب اعتاب وانت اول الناس قصدي اعنيلك
انه محمل حزن بكثر هاي الكاع........وماطخيت راسي وجيت اشكيلك
صبرت على المصايب وجروح تهيج وقسيت فوك الجرح بس لا يدنيلك
وسكيتك دمع وانه جنت عطشان وخليت الدمع يصب.....شلال يجريلك
ونطيتك كلب بركان ينضح طيب ........كلت بلكي توافي لليوافيلك....؟؟
جان الدرب ظلمة وساكنته وحوش..؟ شعلت الروح لك شمعة تضويلك
هسه جاي معاتب انه وياك ....شرايد بعد شتريد اسويلك........
ولك اذا انت غلط من الجذم للراس
شوهدتني وياك وردت تبديلك
مهو الذيله عوج ما ينعدل هيهات