شلوووووون انســـــاك

شلون انساك
مثل نهر وجرف عمري الاريده وياك
هم شفت النهر لحضه نسه جروفه
انت كتاب كلبي وشاعر اليقراك
بدموع الليالي نكتبت حروفه
يل حسنك شمس وينور اعلى الكون
حتى اعمى البصر واضح يشوفك
يل طبعك كمر وسامر النجمات
لوعنهن غبت تنتضر طيوفه
يل بيه صرت وسط الكلب والروح
خل حبك جرح للموت ماروفه
كالوها اليحب يصبح مثل المجنون
صرت مجنونه بيك وهاي معروفه
ياحاتم كرم معروفه صيتك دوم
خاطر ماكسر فديوم لضيوفه
يا ناي الحزن بيك انعزف موال
وكلماتك لحن مامنه معزوفه
يافرحة امل لو تمر بين الناس
احس بغداد اليله مزفوفه
مو انته بحياتي صرت اليه الروح
صفت مثل الشمس هالروح مكشوفه
لوعني رحلت اي حال امرن بيك
مثل حال اليتيم ودمعه مجفوفه
وكلك شوف وكتي شسوه بيه اليوم
بكليبي بقن طعنات لسيوفه
احبك وشلون انساك