ليلة القدر
في حق عقيلة الطالبين (ع)
٭٭٭٭٭٭٭٭
زينب يعني زينــــــب.. مـاكو اشكال
بس وصّي القلـــــــم بحروف زينب
اذا رايد كـــــــــــــــــلام يعادل الحال
اذن كلمة يزينب كـــــــــون تتحجب
و..
خاطر القران تتـــــــــوضا الـﭼفوف
ولجل زينب كـــــــــون يتوضا الحبر
امها (كوثر) .. (عمَّ) ابوها ابلاجدال
اذن زينب هيـــّــــــــــــه ليلة القدر
قدر .. زينب نــــزلـت بطف كربلاء
وربك الجبار حافــــــــــــــــظ للذكر
وخدر زينب سمه لو نفرض يطيح
ﭼـان عاشــــــور انكَلب يوم الحشر
ولهذا السبب جبـــــــــــريل ابأديه
نزل يشكَف عنـــــــها نسمات التمر
كلشي بالكـــــــون بكَدر الله اليكَول
بس كَدر زينب قيـــــــــاس الكل كدر
بالصبر تتحلى نـــــــــــاس وهيه لا
بيها وكت الشدد يتحـــــــــلى الصبر
يا متن منها انضــرب يوم الطفوف؟!
شو تعال اشرحــــــلي عن هذا الامر
ابو فاضل كَمر يعنــــــــــي بالسماء
ونجمه زينب ﭼــــــــــانت بعين البدر
والشمر عالكَــــــاع اذن كيف ويلوح
سوطه متن النجمــه.. يالتروي الخبر
الكعبة بيت الله ويلفــــــــها الحجاب
واحنه ندري البـيت مــن طين وحجر
وهاي زينب بت وجـــه ربها الجليل
وحاشا بت وجـهه تظــــــل ابلا ستر
زينب .. وكف يالســـاني عن حديث
خاف اجيبن خبر يحـــــسب من كفر
شبه عيسى اتخـــيل الهـــم بالصليب
وشبه زينب ســــارت بدرب اليسر!!