-الى النورس الذي حلق في فضاءات الخلود
-الى الجسر الرابط بين الرصافة والكرخ
-الى حبيب الامام باب الحوائج
-الى الشهيد الحي عثمان العبيدي
اقول ................
ثلث اسنين مرن وانته موجود
يل شلت الوطن بيدك هويه
مجبورين بيك انجذب الموت
لان ماكدرت اعليك المنيه
امس بيك اتضح اخلاص بغداد
اوتمثل بيك طيب الاعظميه
وامس من شفت اخيك خانكه الروج
تفجر بيك بركان الحميه
شلت روحك بديك اوصحت لبيك
اوكلتله انطيني اديك اوهاك اديه
خواتك .امك . ايصيحولك تان
وين اتريد ياورد المسيه
ابد مادرت بال او انته عثمان
يا اعظم درس باشرف قضيه
عابس صرت جنك يوم الطفوف
اودجله اتحولتلك غاضريه
لمحت الجسر جيش اوكاض الماي
اوخيم لحسين شفت الكاظميه
عابس ذب قميصه اوصاح جنيت
اوطب عاري الصدر لجيوش اميه
وانته اعله الجرف ماشامر اهدوم
اخي اوخاف مايلحك بخيه
(يعريس الرصافه )الزفك الموت
عليك الكرخ طشت واهليه
اذا سنت عراقك دورت قيس
ابد ماتلكه غيرك بالثنيه
لانك بالعشك من فتحت عين
شفت بالشيعه ليلى العامريه
يابزر الدلال ابيش نوفيك
وانته انطيتنه اثمن هديه
حضن امك امس من دور اعليك
لكاك اهناك باحضان الزجيه
وامس من شلت ايدك ماردت عون
جنت رايد توصينه ابوصيه
الوصيه اتكول يهل الوطن ماريد
تفرقكم دعاة الطائفيه
اتمنة تعجبكم هذا الشعر انتظر تعليقاتكم الحلوة